之前曾經介紹過日本媒體 NNA 有關香港立法會選舉的報導（圖）
尤其唔識日文更可能品出另一種味道🤪
所以蛋老師揀咗幾個字，大家一齊睇睇
◎（目的）へ…躍起（やっき）
很形象化的一個描述。想像下自然界一大群魚跳躍嘅畫面。
當然呢度唔係真係指有人跳起，而係描述果種「拼命/竭力」
◎迫る（せまる）
拿拿拿～ 並唔係指「強迫」，係「（時間）迫近」。自動詞
◎あの手この手（あのてこのて）
慣用語。並不是真的有「果隻手呢隻手」🤣
将棋（しょうぎ）裡面有大量同「手」有關嘅用語，涵蓋意思十分廣泛。呢度提及嘅「手」喺指「行動（譬如弈棋的「一步」）」。
所以呢個用字係指「用盡方法」
◎無料に
標題一般盡量精簡，需要自行補腦「～に」後面是動詞，譬如「する」
◎有権者（ゆうけんしゃ）
日文裡面，對「選民」嘅稱呼可謂發人深省，不是單單指「做選擇的民眾」，而係「擁有權利的人」。咳咳…日文老師提提你：唔好寫錯個漢字呀下。
◎便宜を図る（べんぎをはかる）
🤣呢個字真係稍一不慎就有喜感。呢個係「方便」嘅「便（bihn6）」，而唔係「便宜莫貪」嘅「便（pihn4）」。
呢句說話係「為了方便（選民）」
◎高官（こうかん）も…必死（ひっし）だ
拿拿拿～ 到底係咪唔識日文都可以賣日本樓？呢類型嘅字都好危險。
呢度唔係話「阿邊個邊個必死」嘅意思lor～～（港女tone）
日文「必死」的確有2個意思。
1）真係必死（🌚我矛盾咗？）
2）抱著必死嘅覺悟全力以赴。即係又係拼命喇～
俾幾個唔識日文嘅朋友睇過呢篇，大家表現果然非常迷惘🤣
