日本糉& 天皇都曾經中伏嘅端午節食品🫣
首先講糉，ABC當中最有地區特色嘅係邊隻呢？
:
:
:
:
:
:
:
:
:
:
:
:
:
:
:
答案係C。佢係古代薩摩藩（鹿兒島、宮崎同一部份熊本地區）特色食品「あくまき」。即係鹼水糉。製作過程係使用木或者葉嘅灰水浸糯米，能夠抗菌同防腐，古代戰爭時曾經作為軍糧，依家一般配黑蜜或者黃豆粉食。

糉，日文「ちまき」（有漢字，不過已經好少使用）。A係北部同東日本為主嘅糉。B則以西日本為主，係糯米團。

日本有冇端午節呢？有。不過同紀念屈原無關。
端午の節句（たんごのせっく）另一個名稱叫「菖蒲の節句（しょうぶのせっく）」，「菖蒲」同「尚武」同音，自奈良時期已經係祝願男孩子健康成長嘅節日。

D係「柏餅（かしわ もち）」，同樣都係祝願小孩子健康成長嘅節日食品。係用柏樹嘅葉包裹內藏紅豆餡嘅糯米糰，外表同桜餅（さくらもち）相似。

有關柏餅，曾經有一個昭和天皇「中伏」嘅小故事。
昭和天皇御廚「宮內廳管理部料理人」渡辺誠先生嘅著作中提及，佢曾經製作柏餅俾昭和天皇食用 – 渡辺將柏餅用碟放好，昭和天皇以為碟上承載嘅全部都係食物，雖然御評「美味しくない（唔好食）」，不過佢除咗葉脈之外全部食晒🙈。

之後渡辺先生訓斥女官，以後再侍奉天皇食柏餅時需要將柏葉攤開再呈上，因為…因為雖然佢個樣同桜餅好似，但柏餅嘅葉係唔食㗎😨純粹節日象徵嚟。