是咁的。
2021年2月10日早上，長崎縣佐世保市九十九島動植物園一隻叫「モモ」白掌長臂猿（當時12歲）「突然」生咗隻小長臂猿，仲要係黑色嘅！整個動植物園非常震驚，因為阿女「モモ」多年來一直單獨飼養，而且7個月，飼養員完全沒有發現阿女有咗🤪

當時動物園人員表示一頭霧水，因為阿女同相連接嘅雄性猿猴展示室有鐵絲網阻隔，而間隔嘅窿非常細🤏🏻。另一方面動物園表示很自責，因為佢哋無意繁殖，亦以為阿女唔會懷孕。而且強調動物胡亂跨品種出生係一件好唔應該嘅事，不過事已至此都冇辦法。由於bb完全黐實媽咪，所以動物園決定等小長臂猿大少少之後再進行DNA鑒定。

2022年10月，動物園採集咗大家 – 即係阿女、小寶寶同相鄰4隻雄猿猴類嘅體毛及糞便交俾京都大學進行DNA鑒定，結果發現係佢！（🫣當然就係旁邊4隻嘅其中一隻啦！唔會單性繁殖㗎嘛！）

其實阿女旁邊有3個位置都有雄性猿猴類，包括左右同背後嘅休息室。因為阿女自己嘅居所係其中一個展示室，分上下晝會同背後休息室嘅「イトウ」交替展示。由於佢哋並沒有直接接觸嘅機會，所以動物園認為最有可能嘅係…透過圍欄d透氣窿仔。咳咳…叫佢做窿「仔」，因為圍欄嘅透氣孔直徑只有大約9mm…

所以依家已經將圍欄換成隔板！冇窿！另外，確認咗bb係男仔嚟～

🔎 https://youtu.be/g74k8ljrFrY